Арнайы оқу орындарында білім беру үдерісін тиімді ұйымдастырумен қатар, қоғамдық тәртіпті сақтау және қауіпсіз ортаны қамтамасыз ету маңызды міндеттердің бірі болып табылады. Осы мақсатта студенттер арасында ерікті (волонтерлік) топтар құрылып, олардың қызметі жүйелі түрде ұйымдастырылады. Мұндай топтар білім алушылардың жауапкершілігін арттыруға, ұйымшылдыққа тәрбиелеуге және оқу орнында тәртіп пен тазалықтың сақталуына ықпал етеді.
Студенттік топтарды құру барысында олардың құрамы бекітіліп, нақты міндеттері айқындалады. Қоғамдық жұмыстарды үйлестіру үшін кезекшілік кестесі жасалып, әр топқа белгіленген уақыт пен аумақ жүктеледі. Бұл – оқу орнында ішкі тәртіпті нығайтуға, құқықбұзушылықтың алдын алуға және білім алушылар арасында өзара сыйластық пен жауапкершілік мәдениетін қалыптастыруға бағытталған маңызды ұйымдастырушылық шара болып табылады.
