“Егер ол бәрін бақылайтын болса – бұл махаббат емес”

“Егер ол бәрін бақылайтын болса – бұл махаббат емес” тақырыбындағы ашық сұхбат өте өзекті әрі маңызды болды.

Бұл тақырып арқылы студенттер шынайы махаббат пен бақылауға, қызғаныш пен шектеуге негізделген қарым-қатынастың айырмашылығын түсінді. Көп жағдайда «қамқорлық» пен «бақылау» ұғымдары шатастырылып жатады. Алайда адамның әр қадамын қадағалау, телефонын тексеру, кіммен сөйлескенін бақылау – бұл сенімсіздік пен жеке шекараны бұзу екені айтылды.
Сұхбат барысында жастар өз ойларын ашық білдіріп, пікір алмасты. Олар махаббат сенімге, құрметке және еркіндікке негізделуі керек деген ортақ шешімге келді.
Осындай тәрбиелік мәні зор шаралар жастардың құқықтық сауатын арттырып, салауатты қарым-қатынас мәдениетін қалыптастыруға үлкен ықпал етеді.