Колледжімізде білім алушылардың тәртібін нығайту, құқықбұзушылықтың алдын алу және құқықтық сауаттылығын арттыру мақсатында ата-аналармен жеке профилактикалық жұмыстар ұйымдастырылды.
Кездесу барысында ата-аналарға жасөспірімдердің құқықтары мен міндеттері, заң алдындағы жауапкершілік, сондай-ақ қауіпсіз мінез-құлық мәдениеті жөнінде жан-жақты түсіндірме жұмыстары жүргізілді.
Сонымен қатар, білім алушылар арасында кездесетін тәуекел факторлары, әлеуметтік желідегі қауіпсіздік, буллинг пен кибербуллингтің алдын алу мәселелері талқыланды. Әр ата-анамен жеке сөйлесу арқылы нақты ұсыныстар беріліп, бірлескен жұмыс бағыты айқындалды.
Осындай кездесулер – ата-ана, педагог және қоғам арасындағы байланысты нығайтып, студенттердің саналы, жауапты тұлға болып қалыптасуына үлкен ықпал етеді.
Басты мақсат – құқықтық сауатты, тәртіпті, қауіпсіз орта қалыптастыру.
